काठमाडौं । पछिल्लो २४ घण्टामा काठमाडौं उपत्यकामा थप ६९६ जनामा कोरोना भाइरस संक्रमण पुष्टि भएको छ ।
शुक्रबार स्वास्थ्य तथा जनसंख्या मन्त्रालयका अनुसार, काठमाडौं उपत्यकामा ६९६ जनामा कोरोना भाइरस संक्रमण पुष्टि भएको हो । यो उपत्यकामा एकैदिन संक्रमित हुनेको अहिलेसम्मकै धेरै संख्या हो ।
मन्त्रालयका अनुसार काठमाडौंमा मात्रै ६२० जना संक्रमित थपिएका छन् ।
त्यसैगरी भक्तपुरमा ३८ जना र ललितपुरमा ३८ जनामा कोरोना संक्रमण देखिएको मन्त्रालयले जानकारी दिएको छ ।
यसअघि हिजो (बिहीबार) काठमाडौं उपत्यकामा ५७२ जना कोरोना भाइरस संक्रमित थपिएका थिए ।
यसैबीच, गएको २४ घण्टामा देशभर एक हजार ४५४ जनामा कोरोना भाइरस संक्रमण पुष्टि भएको मन्त्रालयले जानकारी दिएको छ ।
मन्त्रालयका अनुसारः
देशभर सक्रिय संक्रमितको संख्या १४ हजार ९२५ छ ।
संस्थागत आइसोलेसनमा आठ हजार २९१ जना छन् ।
होम आइसोलेसनमा ६ हजार ६३४ जना छन् ।
देशभरका क्वारेन्टाइनमा ६ हजार ७८ जना छन् ।
आज जम्मा १० हजार ७०१ पिसिआर परीक्षण भएको छ । योसँगै हालसम्म आठ लाख २१ हजार १८६ पिसिआर परीक्षण भएको छ ।
गएको २४ घण्टामा ९२७ संक्रमित डिस्चार्ज भएका छन् । योसँगै डिस्चार्ज हुनेको जम्मा संख्या ३६ हजार ६७२ पुगेको छ ।
पछिल्लो २४ घण्टामा थप पाँच जना संक्रमितको मृत्यु भएको छ । योसँगै नेपालमा ३२२ जना कोरोना संक्रमितको मृत्यु भएको छ । संक्रमणको तुलनामा मृत्युदर ०.६२ प्रतिशत रहेको मन्त्रालयले जनाएको छ ।
