काठमाडौं । सरकारले पिसिआर परीक्षणको शुल्क घटाएको छ । पिसिआर परीक्षणबाट कोरोना संक्रमण भए-नभएको थाहा हुन्छ ।
अब सरकारी र निजी सबै ल्याबमा दुई हजार रुपैयाँमा पीसीआर परीक्षण हुने सरकारले बताएको छ ।
रिएजेन्ट र अन्य सामानको मूल्य घटेको आधारमा नयाँ मूल्य निर्धारण गरिएको स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले जानकारी दिए ।
यसअघि सुरुमा पिसिआर पीक्षण्को शुल्क ५५०० रुपैयाँ तोकिएको थियो ।
त्यसपछि उक्त शुल्कलाई पनि घटाएर ४ हजार रुपैयाँ बनाइएको थियो । अब भने दुई हजार रुपैयाँमै पिसिआर परीक्षण हुने सरकारले बताएको छ ।
