काठमाडौं । नेपालमा पछिल्लो २४ घण्टामा १ हजार ४९७ जनामा कोरोना संक्रमण पुष्टि भएको छ । 

बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा थप १ हजार ४९७ कोरोना संक्रमण पुष्टि भएको जानकारी दिए । योसँगै नेपालमा कोरोना संक्रमितको संख्या ६९ हजार ३०१ पुगेको छ । 

आज देशभर सक्रिय संक्रमितकाे संख्या १८ हजार ४३७ जना छन् । संस्थागत आइसोलेशनमा ८ हजार ६१४ जना छन् ।  साथै ११ हजार ४४९ जनाकाे पिसिआर परीक्षण गरिएकाे छ । आज ४५७ जनाले कोरोना जितेका छन् ।