काठमाडौं । पछिल्लो २४ घण्टामा काठमाडौं उपत्यकामा थप ७५५ जनामा कोरोना भाइरस संक्रमण पुष्टि भएको छ ।

बिहीबार स्वास्थ्य तथा जनसंख्या मन्त्रालयले दिएको जानकारी अनुसार उपत्यकाका तीन जिल्ला (काठमाडौं, ललितपुर, भक्तपुर) मा थप ७५५ जनामा कोरोना भाइरस संक्रमण पुष्टि भएको हो । 

मन्त्रालयका अनुसार उपत्यकाको काठमाडौंमा मात्रै ६०९ जनामा कोरोना संक्रमण पुष्टि भएको छ । त्यसैगरी भक्तपुरमा ५१ जना र ललितपुरमा ९५ जनाको कोरोना रिपोर्ट पोजेटिभ आएको छ ।