काठमाडौं । नेपालमा पछिल्लो २४ घण्टामा एक हजार ५१३ जनामा कोरोना संक्रमण पुष्टि भएको छ ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा थप एक हजार ५१३ जनामा कोरोना संक्रमण पुष्टि भएको जानकारी दिए ।
योसँगै नेपालमा कोरोना संक्रमितको कुल संख्या ७६ हजार २५८ पुगेको छ ।
गएको २४ घण्टामा १० हजार ८९१ पिसिआर परीक्षण भएको छ । योसँगै हालसम्म १० लाख ९ हजार २९८ पिसिआर परीक्षण भएको मन्त्रालयले जनाएको छ ।
