काठमाडौं । नेपालमा पछिल्लो २४ घण्टामा थप एक हजार ५५९ जनामा कोरोना भाइरस संक्रमण पुष्टि भएको छ।
बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा देशभरमा थप एक हजार ५५९ जनामा कोरोना संक्रमण पुष्टि भएको बताए।
प्रवक्ता गौतमका अनुसार आज देशभरमा सक्रिय संक्रमितको संख्या २० हजार ८९१ रहेको छ ।
हाल देशभरमा १० हजार ८७ जना संस्थागत आइसोलेसनमा रहेको गौतमले जानकारी दिए ।
पछिल्लो २४ घण्टामा थप १२ हजार २०५ पीसीआर परीक्षण भएको छ ।
त्यस्तै पछिल्लो २४ घण्टामा थप एक हजार ५७ कोरोना संक्रमित निको भएसँगै नेपालमा कोरोनामुक्त (डिस्चार्ज) हुनेको संख्या ५६ हजार ४२८ पुगेको छ।
संक्रमति निको हुने प्रतिशत ७२.५ रहेको मन्त्रालयले जनाएको छ ।
