पोखरा । गण्डकी प्रदेशमा शनिबार बिहान थप १७ जनामा कोरोना संक्रमण पुष्टि भएको छ ।
संक्रमितहरुमा कास्कीका १०, गोरखाका पाँच र तनहुँका दुई जना रहेका छन् ।
योसँगै गण्डकी प्रदेशमा कोरोना संक्रमितको संख्या चार हजार तीन पुगेको छ ।
संक्रमितमध्ये गण्डकी प्रदेशमा हालसम्म दुई हजार ८३१ जना निको भएका छन् भने ३३ जनाको मृत्यु भइसकेको छ ।
गण्डकी प्रदेशमा सक्रिय संक्रमितको संख्या एक हजार १३९ जना पुगेको गण्डकी प्रदेश स्वास्थ्य निर्देशनालयले जनाएको छ ।
