काठमाडौं । नेपालमा पछिल्लो २४ घण्टामा थप २१ सय २० जनामा कोरोना भाइरस संक्रमण पुष्टि भएको छ ।
शनिबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले पछिल्लो २४ घण्टामा देशभरमा थप २१ सय २० जनामा कोरोना संक्रमण पुष्टि भएको जानकारी दिए ।
नेपालमा आज संक्रिय संक्रमितको संख्या २१ हजार ३०२ रहेको छ ।
प्रवक्ता गौतमका अनुसार आज १२ हजार ९७८ पिसिआर परीक्षण भएको छ ।
त्यस्तै पछिल्लो २४ घण्टामा दुई हजार ४४ जना कोरोना संक्रमित निको (डिस्चार्ज) भएका छन् । योसँगै कोरोना निको हुनेको संख्या ६२ हजार ७४० पुगेको छ ।
