काठमाडौं । काठमाडौं उपत्यकामा पछिल्लो २४ घण्टामा थप १५ सय ९९ जनामा कोरोना भाइरस संक्रमण पुष्टि भएको छ ।
शनिबार स्वास्थ्य तथा जनसंख्या मन्त्रालयलको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले उपत्यकाका तीन जिल्लामा थप १५ सय ९९ जनामा कोरोना संक्रमण पुष्टि भएको जानकारी दिए ।
प्रवक्ता गौतमका अनुसार आज काठमाडौंमा मात्रै १३ सय ७३ संक्रमित थपिएका छन् ।
त्यसैगरी भक्तपुरमा ३९ जना र ललितपुरमा १८७ जनामा कोरोना संक्रमण पुष्टि भएको उनले बताए ।
