धरान । बिपी कोइराला स्वास्थ्य विज्ञान प्रतिष्ठान धरानमा एक कोरोना संक्रमितको मृत्यु भएको छ ।
सुनसरीको धरान–१५ घर भएका ५५ वर्षीय पुरुषको सोमबार उपचारका क्रममा मृत्यु भएको हो । प्रतिष्ठानका सहप्रवक्ता आशिष श्रेष्ठका अनुसार असोज १६ गते प्रतिष्ठानमा स्वाब परीक्षण गर्दा उनमा कोरोना पुष्टि भएको हो ।
मृतक पुरुष विगत केही वर्षदेखि मिर्गौला र हाइपरटेन्सनको समस्याबाट पीडित थिए ।
