काठमाडौं । नेपालमा पछिल्लो २४ घण्टामा थप दुई हजार ७१ जनामा कोरोना भाइरस संक्रमण पुष्टि भएको छ ।
आइतबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले थप दुई हजार ७१ जनामा कोरोना संक्रमण पुष्टि भएको जानकारी दिए ।
आज देशभरमा संक्रिय संक्रमितको संख्या ३१ हजार ३१५ रहेको छ ।
यसअघि हिजो (शनिबार) देशभर पाँच हजार आठ जनामा कोरोना भाइरस संक्रमण पुष्टि भएको थियो ।
त्यस्तै आज देशभरमा १३ हजार ६४९ जना संस्थागत आइसोलेसनमा रहेका छन् ।
आज देशभरका प्रयोगशालमा थप १२ हजार ७२७ पिसिआर परीक्षण भएको छ ।
पछिल्लो २४ घण्टामा थप एक हजार ५५२ जना कोरोना संक्रमित निको (डिस्चार्ज) भएका छन् । योसँगै नेपालमा डिस्चार्ज हुनेको संख्या ७५ हजार ८०४ पुगेको छ ।
यो कुल संक्रमितको ७०.३ प्रतिशत हो ।
