काठमाडौं । पछिल्लो समय कोरोना भाइरस (कोभिड १९) संक्रमितको संख्या बढ्दो क्रममा रहेको छ ।

स्वास्थ्य तथा जनसंख्या मन्त्रालयका अनुसार नेपालमा कोरोना संक्रमितको कुल संख्या हालसम्म १ लाख ७ हजार ७५५ पुगेको छ । जसमध्ये ७५ हजार ८०४ जना निको भइसकेका छन् । आज (आइतबार) मात्रै देशभर २०७१ जना संक्रमित थपिएका छन् ।

हाल देशभर सक्रिय संक्रमितको संख्या ३१ हजार ३१५ पुगेको मन्त्रालयले जनाएको छ । 

देशभर ७६ जना कोरोना संक्रमित भेन्टिलेटरमा उपचाररत रहेको मन्त्रालयले जनाएको छ ।  मन्त्रालयका अनुसार ३२९ जना आइसियूमा उपचाररत छन् ।

यस्तै आज थप २२ जनाको मृत्यु भएसँगै नेपालमा कोरोना संक्रमणबाट मृत्यु हुनेको कुल संख्या ६३६ पुगेको छ ।