काठमाडौं । नेपालमा पछिल्लो २४ घण्टामा थप चार हजार ४७ जनामा कोरोना भाइरस संक्रमण पुष्टि भएको छ ।
सोमबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले थप चार हजार ४७ जनामा कोरोना संक्रमण पुष्टि भएको जानकारी दिए ।
यससँगै नेपालमा कुल संक्रमितको संख्या एक लाख ११ हजार ८०२ पुगेको छ । उनीहरुमध्ये ६४५ जनाको मृत्यु भएको छ ।
आज देशभरमा संक्रिय संक्रमितको संख्या ३३ हजार ८८० रहेको छ ।
यसअघि हिजो (आइतबार) नेपालमा दुइृ हजार ७१ जनामा कोरोना भाइरस संक्रमण पुष्टि भएको थियो ।
पछिल्लो २४ घण्टामा थप १४ सय ७३ जना कोरोना संक्रमित निको (डिस्चार्ज) भएका छन् । योसँगै हालसम्म ७७ हजार २७७ जना डिस्चार्ज भएका छन् ।
