चितवन । पुरानो मेडिकल कलेजमा उपचारका क्रममा कोरोना संक्रमित एक वृद्धको मृत्यु भएको छ ।
मृत्यु हुनेमा खैरहनी नगरपालिका–१० का ६७ वर्षीय वृद्ध रहेको कलेजले जनाएको छ ।
निमोनियासम्बन्धी उपचारका लागि असोज २९ गते अस्पतालमा भर्ना भएका वृद्धलाई कात्तिक ३ गते कोरोना संक्रमण पुष्टि भएको थियो ।
उनको आज बिहान मृत्यु भएको अस्पतालले जनाएको छ ।
कोरोना संक्रमण पुष्टि भई कोभिड सघन उपचार कक्ष (आइसियू) मा उपचारका क्रममा उनको मृत्यु भएको हो ।
