काठमाडौं । पछिल्लो २४ घण्टामा नेपालमा थप ३३ सय ९ जनामा कोरोना भाइरस संक्रमण पुष्टि भएको छ ।
मंगलबार स्वास्थ्य तथा जनसंख्या मन्त्रालयले देशभरमा थप ३३ सय ९ जनामा कोरोना संक्रमण पुष्टि भएको जानकारी दिएको हो ।
योसँगै नेपालमा हालसम्म कोरोना संक्रमितको संख्या एक लाख ८२ हजार ९२३ पुगेको छ । साथै हाल देशभर ३६ हजार ९११ जना सक्रिय संक्रमित रहेका छन् ।
त्यस्तै पछिल्लो २४ घण्टामा ३८ सय ४४ जना कोरोना संक्रमित कोरोना मुक्त (डिस्चार्ज) भएका छन् । योसँगै डिस्चार्ज हुनेको संख्या एक लाख ४४ हजार ९७८ पुगेको मन्त्रालयले जनाएको छ । पछिल्लो २४ घण्टामा थप ३० जना कोरोना संक्रमतिको मृत्यु भएको छ । योसँगै मृतकको संख्या १०३४ पुगेको छ ।
