काठमाडौं उपत्यकामा पछिल्लो २४ घण्टामा थप एक हजार ३९८ जनामा कोरोना भाइरसको संक्रमण पुष्टि भएको छ ।
बिहीबार स्वास्थ्य तथा जनसंख्या मन्त्रालयले दिएको जानकारी अनुसार उपत्यकाका तीन जिल्लामा थप एक हजार ३९८ जनामा संक्रमण पुष्टि भएको हो ।
मन्त्रालयका अनुसार काठमाडौंमा मात्रै एक हजार ९१ जनामा कोरोना संक्रमण पुष्टि भएको छ ।
त्यसैगरी भक्तपुरमा १४७ जना र ललितपुरमा १६० जनामा कोरोना संक्रमण देखिएको मन्त्रालयले जनाएको छ ।
यसैबीच गएको २४ घण्टामा देशभर तीन हजार ५१ जनामा कोरोना पुष्टि भएको छ ।
