काठमाडौं । पछिल्लो २४ घण्टामा नेपालमा थप १९ सय ४६ जनामा कोरोना भाइरस संक्रमण पुष्टि भएको छ ।
शनिबार स्वास्थ्य तथा जनसंख्या मन्त्रालयले देशभरमा थप १९ सय ४६ जनामा कोरोना संक्रमण पुष्टि भएको जानकारी दिएको हो ।
योसँगै नेपालमा हालसम्म कोरोना संक्रमितको संख्या २ लाख ८ हजार २९९ पुगेको छ । हाल देशभर ३६ हजार ४५२ जना सक्रिय संक्रमित रहेका छन् ।
त्यस्तै पछिल्लो २४ घण्टामा २ हजार ५०३ जना कोरोना संक्रमित कोरोनामुक्त (डिस्चार्ज) भएका छन् । योसँगै डिस्चार्ज हुनेको संख्या एक लाख ७० हजार ६३२ पुगेको मन्त्रालयले जनाएको छ ।
पछिल्लो २४ घण्टामा थप १३ जना कोरोना संक्रमतिको मृत्यु भएको छ । योसँगै मृतकको संख्या एक हजार २१५ पुगेको छ ।
