काठमाडौं । पछिल्लो २४ घण्टामा नेपालमा थप ११ सय ९७ जनामा कोरोना भाइरस संक्रमण पुष्टि भएको छ ।

शनिबार स्वास्थ्य तथा जनसंख्या मन्त्रालयले देशभरमा थप ११ सय ९७ जनामा कोरोना संक्रमण पुष्टि भएको जानकारी दिएको हो ।

योसँगै नेपालमा हालसम्म कोरोना संक्रमितको संख्या २ लाख १० हजार ९७३ पुगेको छ । हाल देशभर ३३ हजार ३७९ जना सक्रिय संक्रमित रहेका छन् ।

त्यस्तै पछिल्लो २४ घण्टामा २ हजार ९३४ जना कोरोना संक्रमित कोरोनामुक्त (डिस्चार्ज) भएका छन् । योसँगै डिस्चार्ज हुनेको संख्या एक लाख ७६ हजार ३६४ पुगेको मन्त्रालयले जनाएको छ ।  

पछिल्लो २४ घण्टामा थप ९ जना कोरोना संक्रमतिको मृत्यु भएको छ । योसँगै मृतकको संख्या एक हजार २३० पुगेको छ ।