काठमाडौं । पछिल्लो २४ घन्टामा नेपालमा थप १७ सय ९० जनामा कोरोना संक्रमण पुष्टि भएको छ ।

सोमबार स्वास्थ्य तथा जनसंख्या मन्त्रालयले दिएको जानकारी अनुसार देशभरमा थप १७ सय ९० जनामा कोरोना संक्रमण पुष्टि भएको जानकारी दिएको हो । योसँगै नेपालमा हालसम्म कोरोना संक्रमितको संख्या २ लाख २४ हजार ७८ पुगेको छ । 

हाल देशभर १७ हजार ८५९ जना सक्रिय संक्रमित रहेका छन् ।  त्यस्तै पछिल्लो २४ घण्टामा २ हजार ७९१ जना कोरोना संक्रमित कोरोनामुक्त (डिस्चार्ज) भएका छन् । योसँगै डिस्चार्ज हुनेको संख्या दुई लाख २ हजार ४ हजार ८५८ पुगेको मन्त्रालयले जनाएको छ ।  

साथै पछिल्लो २४ घण्टामा थप २४ जनाको मृत्यु भएसँगै मृतकको संख्या एक हजार ३६१ पुगेको मन्त्रालयले जनाएको छ ।