काठमाडौं । पछिल्लो २४ घन्टामा ७४३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार कुल ६५५९मा परीक्षण गर्दा उल्लेखित संक्रमित पहिचान भएका हुन् । कोरोना संक्रमित हुनेमा ४६४ पुरुष र २७९ जना महिला छन् । योसँगै नेपालमा कोरोना भाइरस संक्रमितको संख्या २ लाख ५५ हजार ९७९ पुगेको छ ।
त्यसैगरी, पछिल्लो २४ घण्टामा कोरोना भाइरस संक्रमणमुक्त हुनेको संख्या ९५२ छ । हालसम्म संक्रमणमुक्त हुनेको संख्या २ लाख ४६ हजार ६६१ रहेको छ ।
हाल देशभर सक्रिय संक्रमितको संख्या सात हजार ५१५ रहेको छ । पछिल्लो २४ घण्टामा कोरोना भाइरस संक्रमणबाट ५ जनाको मृत्यु भएको छ । हालसम्म मृत्यु हुनेको संख्या १८०३ पुगेको छ ।
पछिल्लो २४ घण्टामा काठमाडौं उपत्यकामा ३१८ जना संक्रमित भेटिएका छन् । काठमाडौंमा २५० तथा ललितपुर र भक्तपुरमा ३४/३४ जना संक्रमित भेटिएका स्वास्थ्य तथा जनसंख्या मन्त्रालयले जनाएको छ । त्यस्तै, कास्कीमा ७१, रुपन्देहीमा ४५, कञ्चनपुरमा ४२, कैलालीमा ३३, चितवनमा १८ र मोरङमा १५ जना संक्रमित भेटिएका छन् ।
