काठमाडौं । स्वास्थ्य तथा जनसंख्या मन्त्रालयले घरबाहिर नबस्न र केहीदिन मर्निङवाकमा ननिस्कन अपिल गरेको छ ।
काठमाडौं उपत्यकामा बढेको वायु प्रदूषणलाई मध्यनजर गर्दै मन्त्रालय शुक्रबार एक विज्ञप्तिमार्फत् आमनागरिकप्रति सो अपिल गरेको हो ।
‘अहिले भइरहेको वायु प्रदूषणले श्वासप्रश्वासमा गम्भीर समस्या निम्त्याउन सक्नेभन्दै मन्त्रालयले घर बाहिर निस्कनु परेमा जनस्वास्थ्यका मापदण्ड अपनाउन अनुरोध छ,’ जारी विज्ञप्तिमा उल्लेख छ ।
पछिल्लो साता काठमाडौं उपत्यकाको वातावरणमा कार्बन, सल्फरडाइअक्साइड र नाइट्रोजनको मात्रा बढ्दा प्रदूषण बढेकाले सतर्क हुन वातावरणविद्हरुले बताउँदै आएका छन् ।
