काठमाडौं । पछिल्लो २४ घन्टामा नेपालमा एक सय ५२ जनामा कोरोनाका नयाँ संक्रमित पहिचान भएका छन् । उल्लेखित समयावधिमा ६५ जना संक्रमणमुक्त भएर घर फर्किएका छन् । नेपालमा हाल सक्रिय संक्रमितको संख्या एक हजार पाँच सय ७९ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा संक्रमणका कारण एक जनाको निधन भएको छ । साथै नेपालमा हालसम्म संक्रमित हुनेहरुको संख्या दुई लाख ७७ हजार चार सय ६१ पुगेको छ ।
हालसम्म संक्रमणमुक्त हुनेहरुको संख्या दुई लाख ७२ हजार ८ सय ५१ छ भने तीन हजार ३१ जनाको संक्रमणका कारण ज्यान गुमाएका छन् ।
