चीनले नेपाललाई करिब ९२ करोड रुपैयाँभन्दा बढी (चिनियाँ मुद्रा ५० लाख) को स्वास्थ्य सामग्री तथा उपकरण सहयोग गर्ने भएको छ ।
मंगलबार चिनियाँ विदेशमन्त्री वाङ यीले नेपाल, पाकिस्तान, बंगलादेश, अफगानिस्तान र श्रीलंकाका विदेशमन्त्रीसँगको छलफलमा नेपाललाई कोरोना महामारीविरुद्धको लडाइमा सहयोग गर्ने घोषणा गरेका हुन् ।
उक्त छलफलमा सहभागी परराष्ट्रमन्त्री प्रदीपकुमार ज्ञवालीले कोरोना महामारीविरुद्धको लडाइ, आर्थिक पुनरुत्थान र नागरिकको जीविका र जीवन रक्षाका लागि ठोस सहकार्यका साथ अगाडि बढाउनुपर्ने धारणा राखेका छन् ।
