काठमाडौं । पछिल्लो २४ घण्टामा देशभर थप ७३६८ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पीसीआर विधिबाट ७ हजार ३१६ र एन्टिजेन विधिबाट ५२ जना गरी जम्मा ७ हजार ३६८ जनामा संक्रमण पुष्टि भएको हो ।
कोरोना संक्रमित हुनेहरुमा काठमाडौं उपत्यकाका भक्तपुरमा २९२, ललितपुरमा ४३६ र काठमाडौंमा १ हजार ८८१ गरी जम्मा २ हजार ६०९ जनामा कोरोना पुष्टि भएको छ । यसैगरी मन्त्रालयका अनुसार पछिल्लो २४ घन्टामा १४५ जनाको मृत्यु भएको छ ।
