काठमाडौं । पछिल्लो  २४ घन्टा देशभर चार हजार ६२४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार कुल १४ हजार १८२ गरिएको पिसिआार परीक्षणमा उल्लेखित संख्यामा कोरोना संक्रमित पहिचान भएका हुन् । योसँगै नेपालमा कोरोना संक्रमितको संख्या ५ लाख ८१ हजार ५६० पुगेको छ ।

त्यसैगरी, २४ घण्टामा आठ हजार ६६३ जना कोरोना संक्रमणमुक्त भएका छन् । शुक्रबार उल्लेखित संक्रमित कोरोनामुक्त भएसँगै निको हुनेको संख्या चार लाख ७६ हजार १३० पुगेको छ । नेपालमा हाल सक्रिय संक्रमितको संख्या ९७ हजार ६९९ छ । त्यसैगरी, क्वारेन्टाइनमा ७५५ जना छन् ।

स्वास्थ्य तथा जनसंख्या मन्त्रालयले दिएको जानकारीअनुसार देशभर थप १०१ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ७ हजार ७३१ पुगेको छ ।