बेलायतको म्यानचेस्टर एयरपोर्टमा शनिबार एक महिलाले पाकिस्तान इन्टरनेशनल एयरलाइन्स (पीआईए) को उडन तयार विमानमा रहेको इमरजेन्सी गेट खोलिदिइन् ।
विमान केही घण्टामा नै उडने तयारीमा थियो । तर त्यस घटनाका कारण विमान ७ घण्टासम्म उडेन ।
ती महिलाले इमरजेन्सी गेटलाई शौचालय ठानेर त्यसो गरेकी थिइन् । जहाज म्यानचेस्टरबाट इस्लामाबादका लागि उड्ने तयारीमा थियो ।
घटना जब भयो तब पीके ७०२ जहाज उड्ने तयारीमा थियो । एयरलाइन्सका अनुसार यो जहाजमा ४० यात्रु सवार थिए ।
यो घटनापछि सबै यात्रुको सामानसमेत बाहिर निकालेर पुनर्जाच गरिएको थियो । एयरलाइन्सका प्रमुख कार्यकारी एयर मार्शल अर्शद मलिकले घटनाको जाँच गर्न निर्देशक दिएका छन् ।
एजेन्सीबाट
