देहरादुन : भारतको उत्तराखण्ड राज्यका रेलवे अधिकारीहरुले रेलवे प्लेटफर्ममा उर्दू भाषाको सट्टा संस्कृत भाषाका साइनबोर्ड राख्ने निर्णय गरेका छन् ।
यसअघि हिन्दी, अंग्रेजी र उर्दू भाषामा रेलवे प्लेटफर्ममा साइनबोर्ड राख्ने गरिएको थियो । अब हिन्दी, अंग्रेजी र संस्कृत भाषामा राखिनेछ ।
रेलवे अधिकारीहरुका अनुसार रेलवेको नियम संशोधनपछि यस्तो निर्णय गरिएको हो ।
रेलवेको नियमअनुसार हिन्दी, अंग्रेजी र राज्यको दोस्रो आधिकारीक भाषामा प्लेटफर्ममा साइनबोर्ड राख्ने गरिन्छ । सन् २०१० मा उत्तराखण्ड सरकार संस्कृत भाषालाई दोस्रो आधिकारीक भाषाको वैधता दिने भारतकै पहिलो राज्य बनेको थियो ।
तत्कालीन मुख्यमन्त्री रमेश पोखरिया निशांकले संस्कृति भाषालाई प्रवद्र्धन गर्ने आफ्नो लक्ष्य रहेको बताएका थिए । हिमाञ्चल प्रदेशले पनि सन् २०१९ मा संस्कृतिलाई आफ्नो दोस्रो आधिकारीक भाषा बनाएको थियो ।
