कोरोना भाइरस सङ्क्रमणका कारण विश्वभरि मृत्यु हुनेको सङ्ख्या ३ हजार १०० नाघेको मङ्गलबार जनाइएको छ ।
गत डिसेम्बर महिनाको अन्त्यबाट चीनको हुबेई प्रान्तको वुहान शहरबाट फैलिएको यस भाइरसको सङ्क्रमण हाल ६४ भन्दा बढी देशमा फैलिएको छ ।
यस भाइरसका कारण विश्वभरी कम्तीमा ९० हजार जनामा सङ्क्रमण भएको पुष्टि भएको छ । उता संयुक्त राज्य अमेरिकामा कोरोना भाइरसबाट ६ जनाको मृत्यु भएको छ ।
यस प्राणघातक कोरोना भाइरसको सङ्क्रमण विश्वका विभिन्न देशमा फैलिइरहेका बेला अमेरिकामा पनि ६ जनाको ज्यान गएको अधिकारीहरूको भनाइ छ ।
