काठमाडौं । चिनियाँ विदेश मन्त्रालयका प्रवक्ता जाओ लिजियानले चीनमा कोरोना भाइरस अमेरिकी सेनाका कारण फैलिएको बताएका छन् ।
उनले अन्तर्राष्ट्रिय सैनिक विश्व खेलकुदका लागि वुहानमा आएका बेला अमेरिकी सेनाले कोरोना भाइरस फैलाएर फर्किएको बताएका छन् ।
उनले शुक्रबार ट्विट गर्दै कोरोना हुबेई प्रान्तको सेन्ट्रल वुहानमा नोभेल कोरोना भाइरस अमेरिकी सेनाले ल्याएको दाबी गरेका हुन् ।
साथै, उनले कोरोना भाइरस चीनको वुहानमा नभएर अमेरिकाबाट सुरु भएको भनी सबैलाई आफ्नो ट्विट शेयर गर्न पनि आग्रह गरेका छन् ।
साथै, उनले वुहानको सी फुडबाट कोरोनाको संक्रमण नफैलिएको पनि दाबी गरेका छन् ।
उनको आधिकारीक ट्विटमा लेखिएको छ, ‘मैले विश्वास गरेका धेरै कुराहरु एकाएक आश्चार्यजनक तरिकाले परिवर्तन भएका छन् ।’
यद्यपि, बेइजिङस्थित अमेरिकी दूतावासले भने यस विषयमा कुनै प्रतिक्रिया दिएको छैन ।
