एजेन्सी । कोरोनाभाइरस फैलाउँछु भनेर धम्की दिने एक युवतीलाई प्रहरीले पक्राउ गरेको छ ।
अमेरिका टेक्ससकी १८ वर्षीया युवतीलाई त्यहाँको प्रहरीले पक्राउ गरेको सीएनएनमा खबर छ ।
१८ वर्षीया लोरेन मारादियागाले स्न्यापच्याटमा कोरोना भाइरस फैलाउछु भन्दै भिडियो पोस्ट गर्दै आएकी थिइन् ।
प्रहरी समक्ष ती युवतीले 'आफूले कोरोनाभाइरस परीक्षण गरेको र रिपोर्ट नेगेटिभ आएको' बयान दिएकी छिन् ।
अमेरिकामा हालसम्म चार लाख भन्दा बढी मानिस कोरोनाभाइरसबाट संक्रमित भएका छन् ।
कोरोना भाइरस संक्रमणका कारण त्यहाँ १२ हजार भन्दा बढी मानिसको मृत्यु भइसकेको छ ।
