काठमाडौँ । कोरोना भाइरसको संक्रमणबाट मृत्यु हुनेको संख्या ९० हजार नाघेको छ ।

विश्वभर कुल संक्रमितको संख्या बुधबार साँझसम्ममा १५ लाख ३९ हजारभन्दा बढी छ । सबैभन्दा बढी इटालीमा १८ हजारको हाराहारीमा मृत्यु भएको छ । केही घण्टाअघि स्पेनभन्दा अमेरिकामा बढी मानवीय क्षति रहेकोमा अहिले फेरि स्पेनमा धेरै मृत्यु भएको आँकडा आएको छ । स्पेनमा एकैपटक ४४६ जना मृत्युको सूचि अपडेट भएपछि त्यहाँको संख्या बढेको हो ।

अहिलेसम्म विश्वमा भएको कुल मृत्यको ७३ प्रतिशत पाँच देशमा मात्रै भएको छ । इटाली, स्पेन, अमेरिका, फ्रान्स र बेलायतमा ७३ प्रतिशत मर्दा बाँकी विश्वमा २७ प्रतिशत मरेका छन् । कुल ९० हजारको ज्यान जाँदा ती पाँच मुलुकमा मात्रै करिव ६६ हजारको मृत्यु भएको छ ।

यो समाचार तयार पार्दासम्म अमेरिकामा ४ लाख ३५ हजार ७८० जना संक्रमित पुगेका छन् भने १४ हजार ८६५ जनाको मृत्यु भइसकेको छ । त्यहाँ २२ हजार ९४१ जना उपचारपछि ठिक भएका छन् ।

स्पेनमा १ लाख ५२ हजार ४४६ जना संक्रमित रहेकोमध्ये १५ हजार २३८ जनाको ज्यान गएको छ भने इटालीमा सर्वाधिक १७ हजार ६६८ जनाको मृत्यु भइसकेको छ । इटालीमा १ लाख ३९ हजार ४२२ जना संक्रमित भइसकेका छन् ।

संक्रमणको हिसावले चौथोमा आएको छ जर्मनी । त्यहाँ १ लाख १३ हजार २९६ जनामा संक्रमण पुष्टि भइसकेको छ भने २ हजार ३४९ जनाले मृत्युवरण गरेका छन् ।

विश्वका कुन देशमा कति मानिसको मृत्यु भयो ? संक्रमित कति छन् ? हेर्नुस् पछिल्लो विवरण :