काठमाडौँ । कोरोना भाइरसको संक्रमणले विश्वका सबैजसो मुलुकलाई गाजिसकेको छ । मानवको स्थायी बसोबास नरहेको अन्टार्टिकाबाहेक सबै महादेशमा मानिस मरेका छन् ।

सबैभन्दा बढी मृत्यु युरोपमा भएको छ । युरोपमा ७ लाख ५८ हजार ८४६ संक्रमित हुँदा ६२ हजार ४ सय ४० जनाको मृत्यु भइसकेको छ । यो सामग्री तयार पार्दा विश्वभर १५ लाख ३८ हजार ७०३ जनाको मृत्यु भइसकेको छ । सो तथ्यांक विश्लेषण गर्दा ६९ प्रतिशत मृत्यु युरोपले भोग्नु परेको छ ।

त्यसपछि उत्तर अमेरिकामा सबैभन्दा बढी मानवीय क्षति भएको छ । त्यहाँ ४ लाख ६५ हजार ९२३ जना संक्रमित पुगेका छन् भने १५ हजार ७५७ जनाको मृत्यु भइसकेको छ । यो कुल मृत्युको ३० प्रतिशत हुन आउँछ ।

तेस्रोमा पर्ने एसियामा १७ प्रतिशतको मृत्यु भएको छ । एसियामा २ लाख ५८ हजार ३१८ जना संक्रमित छन् भने ९ हजार ७५२ जनाले मृत्युवरण गरिसकेका छन् ।

त्यसपछि दक्षिण अमेरिकामा ३६ हजार ३४ जना संक्रमित पुग्दा १ हजार ४१७ जनाको मृत्यु भएको छ । त्यसैगरी अफ्रिकामा १२ हजार १५३ जना संक्रमित छन् । त्यहाँ ५८० जनाको मृत्यु भइसकेको छ ।

उता, अस्ट्रेलियामा सबैभन्दा कम ७ हजार ४२९ जना संक्रमित छन् भने ५२ जनाको ज्यान गइसकेको छ ।

हेर्नुस् सबै देशको विवरण

सार्क मुलुकहरूको अवस्था

विश्वभरकै दैनिक मृत्यु र संक्रमणको अवस्था