अमेरिकी राष्ट्रपति डनाल्ड ट्रम्पले राष्ट्रपतिको चुनाव केही पर सार्न गरेको सुझाव उनकै दलका नेताहरुले खारेज गरेका छन् ।
सिनेटमा बहुमत प्राप्त रिपब्लिकन पार्टीका नेता मिच मककोनेल र हाउस अफ रेप्रेजेन्टेटिभ्सका नेता केभिन मकार्थी दुवैले राष्ट्रपति ट्रम्पको सुझावलाई खारेज गरेका हुन् ।
वरिष्ठ रिपब्लिकन नेताहरूले नोभेम्बर महिनामा हुने राष्ट्रपतीय चुनाव ढिला गर्ने राष्ट्रपति डोनल्ड ट्रम्पको सुझाव खारेज गरिदिएका हुन्।
ट्रम्पले निर्वाचनमा अनियमितता हुन सक्ने भन्दै चुनाव केही पर सार्नु पर्ने बताएका थिए ।
यसका अलवा राष्ट्रपति ट्रम्पले हुलाकमार्फत् गरिने बढ्दो मतदानले धाँधली निम्त्याउने सक्ने र गलत नतिजा आउन सक्ने अभिव्यक्ति दिएका थिए ।
ह्वाइट हाउसमा आयोजित एक पत्रकार सम्मेलनमा ट्रम्पले आफू त्रुटिपूर्ण चुनाव भएको हेर्न चाहने बताउँदै यो चुनाव भयो भने इतिहासकै सबैभन्दा धाँधलीपूर्ण हुने बताएका थिए ।
राष्ट्रपति ट्रम्पले मानिसहरूले ठीक र सुरक्षित ढङ्गले मतदान गर्न सक्ने कुराको सुनिश्चतता नभएसम्मका लागि चुनाव सार्नुपर्ने बताएका थिए ।उनको यही अभिव्यक्तिका कारण उनीमाथि संविधानदेखि टाढिएको आरोप लागेको छ ।
बीबीसी
