भरखरै चुनावमा भीडेका नवनिर्वाचित अमेरिकी राष्ट्रपति जो बाइडनले यस जितलाई जनताको जित भएको बताएका छन् । उनले आफू राष्ट्रपतिमा निर्वाचित भएपछि पहिलो भाषण गरेका छन् ।
उक्त भाषणमा नव निर्वाचित राष्ट्रपति बाइडनले आफूले ऐतिहासिक रुपमा सर्वाधिक भोट पाएको पनि बताएका छन् । ‘अमेरिकी जनताले स्पष्ट जनादेश दिएका छन्, यो जित तपाईंको हो , हामीले ७.४ करोड भोट पाएका छौँ, यति भोट आजसम्म कहिले पनि पाएका छैनन्,’ उनले आफ्नो भाषणमा भनेका छन् ।
‘तपाईंहरुले ममाथि विश्वास गर्नुभयो, यो म विनम्रताका साथ स्वीकार गर्नेछु, म अहिले अमेरिकाको राष्ट्रपति भएको छु, मैले सबैलाई सँगै लिएर अघि बढ्नेछु’, बाइडनले पुनः थपेका छन् । साथै उनले रेड स्टेट र ब्लू स्टेटको रुपमा नहेर्ने र आफू पार्टीको नभई सबै सँगै मिलेर काम गर्ने बताएका छन् ।
