अफगानिस्तानको एक सैन्य शिविरमा गराइएकोकार बम आक्रमणमा परी कम्तीमा ३० सुरक्षाकर्मीहरूको मृत्यु भएको छ । अफगानिस्तानकाे गजनी प्रान्तमा भएको विस्फोटनमा अन्य २० जनाभन्दा बढी घाइते भएको विवरणमा जनाइएको छ।

यो अफगान सुरक्षाकर्मीमाथि पछिल्ला केही महिनायता गरिएका निकै घातकमध्येको एउटा आक्रमण हो । अफगानिस्तानकै जाबुलमा सवारीसाधनमाथि गरिएको एउटा छुट्टै बम हमलामा तीन जनाको ज्यान भएको छ । समाचारमा जनाइए अनुसार प्रान्तीय परिषद्‌का प्रमुखलाई आक्रमणको निसाना बनाइएको थियो। घटनामा उनी जोगिन सफल भएका छन्।