जर्जिया । जर्जियाका प्रधानमन्त्री इराक्ली गारिबाश्भीलीलाई कोरोना भाइरसको संक्रमण भएको छ । उनको कोरोना परीक्षण गर्दा मङ्गलबार संक्रमण पुष्टि भएको उनी निकटस्थ अधिकारीहरूले जानकारी दिएका छन् । 

कोरोना भाइरसबाट संक्रमित भएको पुष्टि भएपछि उनी अहिले सेल्फ आइसोलेसनमा बसेका छन् । उनले सेल्फ आइसोलेसनबाटै आफ्नो कामलाई भने निरन्तरता दिएको जनाइएको छ ।

कोरोना भाइरसबाट संक्रमित भएको पुष्टि भए पनि प्रधानमन्त्रीले कुनै असहज महसुस नरेको प्रधानमन्त्री कार्यालयले जनाएको छ । जर्जियामा मङ्गलबार मात्रै उनिसँगै अरु ८९७ जना कोरोना भाइरसबाट संक्रमित भएका छन् ।

योसँगै जर्जियामा अहिलेसम्म दुई लाख ८४ हजार ९५८ जना कोरोनाभाइरसबाट संक्रमित भएको तथ्याङ्क छ ।