दिल्ली हाइकोर्टले अक्सिजनको आपूर्तिमा अड्चन सिर्जना गर्नेलाई फाँसी दिन आदेश दिएको छ।
महाराजा अग्रसेन अस्पतालको तर्फबाट दायर रिटको सुनुवाइँ गर्दै जस्टिस विपीन साँघी र जस्टिस रेखा पल्लीको संयुक्त इजलासले सो आदेश दिएको हो ।
कोरोना महामारीका दौरान अक्सिजनको कमीका कारण बिरामी श्वासप्रश्वासमा देखिएको संकटलाई नियाल्दै अस्पतालले यथाशीघ्र चाँडै अक्सिजन उपलब्ध गराउन दिल्ली हाइकोर्टमा रिट दायर भएको थियो ।
भारतमा पछिल्लो समय कोरोना संक्रमणको दर अत्यधिक छ ।
त्यसैगरी भारतको केन्द्रको राजधानी नयाँदिल्लीको एक अस्पतालमा अक्सिजनको अभाव हुँदा एकैरात २५ जना कोरोना संक्रमितको मृत्यु भएको छ ।
भारतीय सञ्चारमाध्यमका अनुसार दिल्लीको जयपुर गोल्डन अस्पतालमा अक्सिजनको कमीले शुक्रबार राति २५ बिरामीको मृत्यु भएको छ । महाराजा अग्रसेन अस्पतालमा अक्सिजनको आपूर्ति नभएको भन्दै उच्च अदालतमा रिट दायर गरिएको छ ।
महाराजा अस्पतालले दिल्ली उच्च अदालतमा रिट दायर गर्दै अस्पतालमा ३०६ बिरामीको उपचार भइरहेका र अक्सिजन सकिएपछि बिरामीलाई गम्भीर अवस्थामै डिस्चार्ज गर्नुपरेको जनाइएको छ । अस्पतालको सघन उपचार कक्ष (आइसियू) १०६ बिरामी भर्ना छन् तर अक्सिजन नभए सबैलाई डिस्चार्ज गर्नुपर्ने जनाइएको छ ।
