धादिङ । धादिङका सहायक वन अधिकृत ४० हजार घुससहित पक्राउ परेका छन् ।
नीलकण्ठ गाउँपालिकाको सब-डिभिजन वन कार्यालय धादिङका प्रमुख कृष्णप्रसाद पौडेललाई अख्तियार दुरुपयोग अनुसन्धान आयोगको टोलीले आज रङ्गेहात पक्राउ गरेको हो ।
फर्निचर उद्योगमा चिरानका लागि ल्याएको काठको बारेमा परेको उजुरी मिलाइदिने भन्दै फर्निचर व्यवसायीसँग रकम लिंदै गर्दा उनी पक्राउ परेका हुन् ।
पौडेललाई थप अनुसन्धान गरी भ्रष्टाचार निवारण ऐनबमोजिम कारबाही हुने अख्तियार दुरुपयोग अनुसन्धान आयोगले जनाएको छ ।
