राप्रपाका प्रभावशाली नेता श्याम तिमल्सिनालाई मातृशोक परेको छ । उनको आमा अम्बिका तिमल्सिनाको ९६ वर्षको उमेरमा सोमबार निधन भएको हो ।

तिमल्सिना राप्रपा संयुक्तका नेता थिए । राप्रपा र राप्रपा संयुक्त एकता कार्यदलमा उनी संयुक्तका तर्फबाट क्रियाशील छन् ।

दिवङ्गत तिमल्सिनाको सोमबार नै पशुपति आर्यघाटमा अन्त्येष्टि गरिएको छ । तिमल्सिनाप्रति श्रद्धाञ्जली व्यक्त गर्न एकतापछि बनेको राप्रपाको अध्यक्षद्वय पशुपति समसेर राणा, डा. प्रकाशचन्द्र लोहनी आर्यघाट पुगेका थिए । त्यसै गरी राप्रपाका वरिष्ठ उपाध्यक्ष बुद्धिमान तामाङ, पूर्वमन्त्रीहरु सुनिलबहादुर थापा, विक्रम पाण्डेलगायतले तिमल्सिनाको शरीरमा अन्तिम श्रद्धाञ्जली दिएका थिए ।

ललितपुरका स्थायीबासिन्दा दिवङ्गत तिमल्सिनाका चार छोरा र तीन छोरी छन् ।