काठमाडौँ । राष्ट्रिय प्रजातन्त्र पार्टीका अध्यक्ष पशुपति शमशेर राणाले कोरोना महामारीविरुद्धको लडाइमा राष्ट्रलाई एकजुट गर्न सर्वदलीय संयन्त्र उपयुक्त हुने बताएका छन् ।
बन्दाबन्दीको चरणलाई सरकारले अन्तिम सफलताको रूपमा परिभाषा गरे गम्भीर भूल हुने अध्यक्ष राणाको भनाइ छ । दोस्रो चरणको संक्रमण दृष्टिगत गर्दै संवेदनशील क्षेत्रमा विशेष जोड दिएर परीक्षणको क्रम व्यापक बनाउनु पर्ने उनको सुझाव छ ।
आइतबार ट्वीट गर्दै उनले भने, ‘कोरोना संक्रमणको दोस्रो चरण सुरु भएको छ । बन्दाबन्दी नै अन्तिम सफलता भन्ने भावमा रमाए गम्भीर भूल हुनेछ । पूर्वतयारी गरौँ, परीक्षण व्यापक बनाऔँ । संकटको घडीमा राष्ट्र नै एकजुट भएर महामारीविरुद्ध लड्नु पर्ने बाध्यता छ । आमजनतालाई एकाकार गर्न सर्वदलीय संयन्त्र उपयुक्त माध्यम हुनेछ ।’
मातृभूमि फिर्ता आएका धेरैले स्वास्थ्य प्रोटोकल पूरा नगर्दाको जोखिमतर्फ ध्यानाकर्षण गराउँदै राणाले दुर्गम क्षेत्रहरूको चुनौती सम्बोधन गर्न स्थानीय तथा प्रान्तीय संरचनालाई क्रियाशील तुल्याउनु पर्ने माग गरेका छन् ।
उनले भनेका छन्- ‘सीमा बन्द हुनुभन्दा अगावै देश फर्किएका धेरै नेपालीहरू कुनै स्वास्थ्य जाँच नगरी वा क्वारेन्टाइनमा नबसी गाउँ–गाउँ पुगेका छन् । ती व्यक्तिमा कोरोना संक्रमणको लक्षण देखा परे स्थानीय सरकारमार्फत प्रान्तीय स्वास्थ्य मन्त्रालय पठाउने र उपचार गर्ने प्रणाली व्यवस्थित गर्न जरुरी भएको छ ।’
राणाले आपतकालीन उपचार नगरी बिरामी फिर्ता पठाउने निजी अस्पताललाई सख्त कारबाही गर्नुपर्नेमा जोड दिएका छन् । सेवाग्राही जनताका लागि सरकारी अस्पताल र स्वास्थ्य केन्द्रहरू सदैव खुला रहने वातावरण सरकारले सुनिश्चित गर्नुपर्ने उनको भनाइ छ ।
चुनौतीका बाबजुद पेशागत धर्म निर्वाह गर्ने स्वास्थ्यकर्मीप्रति आभार प्रकट गर्दै राणाले भने, ‘अग्रपङ्क्तिमा लड्ने सबै स्वास्थ्यकर्मीलाई प्रशंसनीय सेवाका लागि मुरीमुरी धन्यवाद दिन्छु ।’
आपतकालीन उपचार नगरी विरामी फिर्ता पठाउने नीजि अस्पताललाई सख्त कारवाही गर्नुपर्दछ । सेवाग्राही जनताका लागि सरकारी अस्पताल र स्वास्थ्य केन्द्रहरु सदैव खुला रहने सरकारले सुनिश्चित गर्नुपर्दछ । अग्रपंक्तिमा लड्ने सबै स्वास्थ्यकर्मीलाई प्रशंसनीय सेवाका लागि मूरी मूरी धन्यवाद दिन्छु!
— Pashupati Shumshere (@PashupatiShams) April 5, 2020
सीमा बन्द हुनुभन्दा अगावै देश फर्किएका धेरै नेपालीहरु कुनै जाँच नगरी वा क्वारेन्टाइनमा नबसी गाउँ–गाउँ पुगेका छन् । ती व्यक्तिमा कोरोना संक्रमणको लक्षण देखा परे स्थानीय सरकारमार्फत प्रान्तीय स्वास्थ्य मन्त्रालय पठाउने र उपचार गर्ने प्रणाली व्यवस्थित गर्न जरुरी भएको छ ।
— Pashupati Shumshere (@PashupatiShams) April 5, 2020
कोरोना संक्रमणको दोस्रो चरण सुरु भएको छ । बन्दाबन्दी नै अन्तिम सफलता भन्ने भावमा रमाए गम्भीर भूल हुनेछ । पूर्वतयारी गरौं, परीक्षण व्यापक बनाऔं । संकटको घडीमा राष्ट्र नै एकजुट भएर महामारीविरुद्ध लड्नु पर्ने बाध्यता छ । आमजनतालाई एकाकार गर्न सर्वदलीय संयन्त्र उपयुक्त माध्यम हुनेछ!
— Pashupati Shumshere (@PashupatiShams) April 5, 2020
