काठमाडाैं ।नवगठित पार्टी जनता समाजवादी पार्टीका नेता काठमाडौं अदालत सरकारी वकिल कार्यालय पुगेका छन् ।
सत्तारुढ नेपाल कम्युनिस्ट पार्टी (नेकपा)का सांसदद्वय महेश बस्नेत र कृष्णकुमार श्रेष्ठ (किसान श्रेष्ठ) तथा नेपाल प्रहरीका पूर्वमहानिरीक्षक सर्वेन्द्र खनालविरुद्ध जाहेरी दर्ता गर्न उनीहरु सरकारी वकिल कार्यालय काठमाडौं पुगेका हुन् ।
केही दिनअघि उनीहरुले महानगरीय प्रहरी परिसर, काठमाडौंमा जाहेरी दिन खोजेको थिए । तर, प्रहरीले दर्ता नगरी फिर्ता पठाएपछि मंगलबार उनीहरु सरकारी वकिल कार्यालयमा गएका हुन् ।
नवगठित जनता समाजवादीका नेता तथा पूर्वराज्यमन्त्री यादवलाई १० वैशाखमा सत्तारुढ दलका सांसद महेश बस्नेतलगायतले महोत्तरीबाट काठमाडौं ल्याइएको थियो ।
समाजवादी पार्टीका नेताहरूले प्रधानमन्त्रीकै निर्देशनमा आफ्ना सांसदलाई अपहरण गरिएको दाबी गर्दै उनीहरुलाई कारबाहीको माग गर्दै आएका छन् ।
तर, खनाल, श्रेष्ठ र बस्नेतले भने उनकै सहमतिमा काठमाडौं ल्याइएको बताउँदै आएका छन् ।
