बैठकको शून्य समयमा सांसदहरूले जातीय विभेद उन्मूलन भइरहेको अवस्थामा दलित युवामाथि भएको ज्यादतिको छानविन गर्न र दोषीलाई कारवाही गर्न माग गरेका थिए ।
संविधानले जातीय विभेद अन्त्य गरिसकेको अवस्थामा अहिले पनि दलितमाथि दुर्व्यवहार हुनु दुःखद भएको र दलितमाथि दुर्व्यवहार गर्नेलाई कानूनअनुसार कारवाही गर्नुपर्नेमा जोड दिएका थिए ।
सांसद रामलखन चमारले जाजरकोटमा दलित भएको निहुँमा भएको कुटपटिपछि हत्या गरिएको घटनामा संलग्न सबैलाई कारवाहीको दायरामा ल्याउनुपर्नेमा सरकारको ध्यानाकर्षण गराए । सांसद विमला राई पौडेलले जाजरकोटको समूहिक हत्याकण्डको भत्र्सना गर्दै सरकारले घटनाको उचित छानबिन गर्ने विश्वास गरे ।
सांसद सुमित्रा विसीले २१औँ शताब्दीमा पनि दलितमाथि हुने दुव्र्यवहार र हत्याको घटनाले स्तब्ध भएको उल्लेख गर्दै जाजरकोट घटनाको छानविन गर्न माग गरिन् ।
