काठमाडौं । पूर्वमन्त्री एवं राप्रपा नेता सुनिलबहादुर थापा नेपाली कांग्रेस प्रवेश गरेका छन् ।
थापासहित राप्रपाका केही नेताहरू कांग्रेस गएका हुन् । विष्णुविक्रम थापा, बाबुराम बस्नेत, रामकृण भट्टराई, गिरिजालाल यादव, दिलिप राई, चतुरमान विश्वकर्मा, रामपदारत शाहलगायत कांग्रेसमा प्रवेश गरेका हुन् । पूर्वमन्त्री थापा राप्रपाका संस्थापक अध्यक्षमध्येका एक पूर्वप्रधानमन्त्री सूर्यबहादुर थापाका छोरा हुन् ।
कांग्रेस सभापति शेरबहादुर देउवाले मंगलबार सानेपास्थित पार्टी कार्यालयमा थापालाई पार्टीको सदस्यता प्रदान गरे । सो कार्यक्रममा कांग्रेस वरिष्ठ नेता रामचन्द्र पौडेल, नेता विजयकुमार गच्छदारलगायत पनि सहभागी थिए ।
