काठमाडौं । गृहमन्त्री रामबहादुर थापालाई लिन हिँडेको स्कर्टिङको अगुवा गाडीले सिंहदरबार छेउमै स्कुटरलाई ठक्कर दिएको छ । सिंहदरबारको पश्चिम गेटनजिक नेपाल प्रहरीको बा १ झ ५५९४ नम्बरको जीपले ठक्कर दिएको हो ।

ठक्करबाट बा ९४ प १०२५ स्कुटरमा सवार नुवाकोटकी २३ वर्षीया लीला थापा र २७ वर्षीया सुजा थापा घाइते भएका छन् । उनीहरूको राष्ट्रिय ट्रमा सेन्टरमा उपचार भइरहेको छ ।

सो गाडी गृहमन्त्रीलाई स्कर्टिङमा लिन हिँडेको थियो । मंगलबार बिहान साढे ९ बजे गृहमन्त्रीलाई लिन सिंहदरबारबाट स्कर्टिङ टोली निवासतर्फ लागेको समयमा दुर्घटना भएको प्रहरीले जनाएको छ । ठक्कर दिने जीप सिंहदरबार प्रहरी वृत्तमा राखिएको छ ।