काठमाडौं । दार्चुलाको ब्याँस गाउँपालिकाले अतिक्रमित भूमिलाई समेटेर ‘डकुमेन्ट्री’ (वृत्तचित्र) बनाउने तयारी गरेको छ ।
गाउँपालिकाका अनुसार सो वृत्तचित्रले गुमेको भूमि फिर्ता ल्याउन सहयोगी हुने विश्वासका साथ वृत्तचित्र बनाउन लागिएको हो । वृत्तचित्रमा सो क्षेत्रको सामाजिक, सांस्कृतिक, भाषिकलगायत विषय समेटिनेछ । वृत्तचित्र बनाउने विषयलाई पालिकाले आर्थिक वर्ष २०७७/०७८ को नीति तथा कार्यक्रममा समेटेको छ ।
सरकारले जारी गरेको लिम्पियाधुरा सहितको नयाँ राजनीतिक तथा प्रशासनिक नक्साअनुसार उत्तर–पश्चिम छेउको नाबी, कुटी, गुञ्जी नेपालको दार्चुला जिल्लाको सो पालिकाले पहलकदमी अघि बढाएको छ ।
२०१५ सलको आमनिर्वाचनमा मतदान गरेका सो क्षेत्रका बासिन्दाले मतदान गरेका थिए । त्यसैगरी २०१८ सालको राष्ट्रिय जनगणनामा सो क्षेत्रका बासिन्दाको जनगणना लिइएको थियो ।
तर, विगत केही वर्षदेखि विभिन्न कारणले सो क्षेत्रका बासिन्दा राज्यबाट प्राप्त गर्ने आधारभूत सेवाबाट वञ्चित छन् ।
