काठमाडौं । प्रधानमन्त्री केपी शर्मा ओलीले मन्त्रिपरिषद् बैठक बोलाएका छन् । प्रधानमन्त्री ओलीका सञ्चार विज्ञ रामशरण बजगाईँका अनुसार उनले नियमित हुने बैठक सोमबार साँझ ५ बजेका लागि बोलाएका हुन् ।
आकस्मिकबाहेक मन्त्रिपरिषद् बैठक हरेक साताको आइतबार वा सोमबार बस्ने गर्छ । साझ ५ बजेका लागि बोलाइएको सो बैठकले विशेष निर्णय लिन सक्ने बालुवाटार स्रोतले जानकारी दियो ।
सोमबार बस्ने मन्त्रिपरिषद्ले विद्युत् प्राधिकरणमा निर्देशक चयन गर्न सक्ने अनुमान गरिएको छ । नेपालमा लोडसेडिङ अन्त्य गरेको भन्दै निकै प्रसंसा कमाएका कुलमान घिसिङको कार्यकाल आइतबारबाट सकिएको छ ।
त्यसैगरी सोमबारकै मन्त्रिपरिषद बैठकले अख्तियार दुरुपयोग अनुसन्धान आयोगको प्रमुख तथा सदस्य र सरकारका प्रवक्ता तोक्न सक्ने बालुवाटार स्रोतले जानकारी दियो ।
