सत्तारुढ नेपाल कम्युनिष्ट पार्टी (नेकपा) को सचिवालय बैठक पहिलो पटक पेरिसडाँडामा बस्दै छ । जसका लागि सुरक्षा व्यवस्था मजबुत बनाइएको छ ।
पार्टी अध्यक्ष पुष्पकमल दाहालले कार्यकारी अध्यक्षको अधिकार पाएपछि उनले पहिलोपटक पूर्वपार्टी कार्यालय पेरिसडाँडामा बैठक बोलाएका हुन् । पेरिसडाँडामा पहिलोपटक प्रधानमन्त्री तथा पार्टी अध्यक्ष केपी शर्मा ओली पनि गएका छन् ।
सो बैठकमा मन्त्रिपरिषदबारे छलफल हुने नेकपा एक स्रोतले जानकारी दिएको छ । उक्त बैठकले अध्यक्षद्वयले पार्टी र सरकारबीचको कामलाई संस्थागतरुपमा अघि बढाउन समन्वय गर्ने बताइएको छ ।
