काठमाडौं । खानेपानी मन्त्री बिना मगरले आफ्नो मन्त्रालयमा एक रुपैयाँ पनि भ्रष्टाचार भएको प्रमाण भेटिए आफूले पदबाट राजीनामा दिने बताएकी छन् ।
आज (सोमबार) बिहान सामाजिक सञ्जाल ट्विटरमार्फत उनले भ्रष्टाचार नगर्ने प्रतिज्ञा समेत गरेकी छिन् ।
बिनाले लेखेकी छिन्, ‘आज म प्रतिज्ञा गर्छु- खानेपानी मन्त्रालयमा एक रुपैयाँ भ्रष्टाचार गरेको प्रमाण देखाउनुस्, म राजीनामा दिन्छु । देश समृद्ध बनाएरै छाड्छौं ।’
आज म प्रतिज्ञा गर्छु ,खानेपानी मन्त्रालय मा एक रुपैया भ्रस्टाचार गरेको प्रमाण देखाउनुस् म राजिनामा दिन्छु । देश समृद्ध बनाएरै छाड्छौ ।
— Bina Magar (@Magarbina123) December 14, 2020
उनको ट्विटमा विभिन्न प्रतिक्रिया आइरहेका छन् । अधिकांशले खानेपानी मन्त्रालय पनि कमिसनको घेरामा परेको बताएका छन् ।
साथै मेलम्चीको पानी काठमाडौं आउन ढिलाइ भएकोमा अधिकांशले आक्रोश व्यक्त गरेका छन् ।
