काठमाडौं । नेपाली कांग्रेस संसदीय दल कार्यसमितिको बैठक शुक्रबार बस्ने भएको छ ।
कांग्रेस संसदीय दलले आज एक सूचना प्रकाशित गरी कार्यसमितिको बैठक शुक्रबार (पुष ३ गते) बिहान १०ः३० बजे बस्ने जनाएको छ ।
संघीय संसद भवन, बानेश्वर स्थित ल्होत्से हलमा बस्ने बैठकका एजेण्डाबारे भने सूचनामा उल्लेख गरिएको छैन ।
यसअघि कांग्रेसले सरकारले ल्याएको संवैधानिक परिषदसम्बन्धी अध्यादेशबारे छलफल गर्न संसदीय दलको बैठक बोलाउने जनाएको थियो ।
तर प्रधानमन्त्री केपी शर्मा ओलीले सो अध्यादेश फिर्ता गर्न बुधबार नै सहमति जनाइसकेका छन् ।
