काठमाडौं । नेकपाको ओली पक्ष र प्रचण्ड-माधव समूहबीच नुवाकोटमा झडप भएको छ ।
ओली समूहका नेता ईश्वर पोखरेल र टोबबहादुर रायमाझीको गाडी तोडफोड भएको छ ।
नुवाकोटको सदमुकाम विदुरस्थित बटारमा आज ओली समूहको कार्यक्रम थियो । उपप्रधानमन्त्री पोखरेल र रायमाझी सम्बोधनका लागि त्यहाँ पुगेका थिए ।
काठमाडौंबाट पुगेका नेताहरूलाई प्रचण्ड र नेपाल समूहका कार्यकर्ताहरूले कालोझण्डा देखाएपछि झडप भएको स्थानीय प्रशासनले जनाएको छ ।
स्थितिलाई प्रहरीले नियन्त्रणमा लिइसकेको छ ।
